Tweede huwelike of verhoudings na egskeidings

Ek is nog getroud met my man en in my hart voel ek ons sal nooit skei nie ek het al wel baie mense deur diep waters bygestaan deur egskeidings en uitmekaar gaan na lang tyd en dink die is die beste raad wat ek kon optel deur al die bystaan en wat mense nodig het met 2de huwelike  of verhoudings na egskeidings ......

Wanneer jy die eerste keer trou, het jy ’n spesiale gevoel dat jou huwelik vir ewig sal duur. Maar met ’n tweede huwelik het jy moontlik nie hierdie gevoel nie, want jy is altyd daarvan bewus dat jou eerste huwelik tot ’n einde gekom het.

Nietemin het baie egpare ware en blywende geluk gevind nadat hulle weer getrou het. Hulle het ’n sukses van hulle huwelik gemaak—en jy kan ook!  Hoe? Kyk na drie algemene uitdagings:

UITDAGING 1: DIT IS VIR JOU MOEILIK OM TE VOORKOM DAT JOU HUWELIK DEUR ’N VROEËRE HUWELIK OORSKADU WORD.

Aanvaar die feit dat dit onrealisties is om te verwag dat jy of jou maat ’n eerste huwelik eenvoudig sal vergeet, veral as een of albei van julle jare lank getroud was. Trouens, party mense erken dat hulle al per ongeluk hulle vorige huweliksmaat se naam gebruik het toe hulle hulle maat aangespreek het!

Moenie jou maat uit jaloesie verbied om enigiets oor ’n eerste huwelik te sê nie. As jou maat die behoefte het om oor die lewe saam met sy of haar vorige huweliksmaat te praat, moet jy met simpatie en medelye luister veral as die vorige huwelik as gevolg van dood geeindig het  Moet ook nie gou tot die slotsom kom dat jy met die ander persoon vergelyk word nie. “ Neem dit eerder en beskou as ’n manier om jou maat beter te leer ken.” Jy sal dalk selfs vind dat sulke gesprekke jou sal help om ’n hegter band met jou nuwe maat te smee.

Konsentreer op jou huidige maat se unieke en goeie eienskappe. Jou maat het dalk nie van die eienskappe of vermoëns wat jou vorige maat gehad het nie. Maar jou huidige maat blink waarskynlik uit op ander gebiede. Moet dus nie jou maat ‘met die ander persoon vergelyk’ nie, maar versterk eerder die grondslag van jou huidige huwelik deur na te dink oor wat jou lief maak vir jou maat en dit te waardeer .Net soos twee vriendskappe nie dieselfde kan wees nie, kan twee huwelike nie dieselfde wees nie.”

Hoe kan jy ’n balans handhaaf tussen die aangename herinneringe van jou eerste huwelik en die lewe wat jy saam met jou nuwe maat begin het? “

 

PROBEER DIE VOLGENDE: Vra jou maat of hy of sy ooit ongemaklik voel wanneer ’n eerste huwelik die onderwerp van ’n gesprek word. Besluit in watter situasies dit goed sal wees om nie oor ’n eerste huwelik te praat nie.

 

UITDAGING 2: DIT IS VIR JOU MOEILIK OM SAAM MET OU VRIENDE TE KUIER WAT JOU NUWE HUWELIKSMAAT NIE GOED KEN NIE.

Probeer jou in jou vriende se situasie indink. “Ek dink dit is soms vir ou vriende baie moeilik en ongemaklik as daar net een persoon oor is van die paartjie saam met wie hulle altyd gekuier het. Probeer dus om “redelik te wees en alle sagmoedigheid teenoor alle mense aan die dag te lê Gee jou vriende en familie tyd om aan die situasie gewoond te raak. Jou huwelik het verander, en daarom sal jou vriendskappe dalk ook verander.

 Neem jou maat se gevoelens in ag wanneer julle tyd saam met ou vriende deurbring. As jou eerste huwelik byvoorbeeld die onderwerp van ’n gesprek word, moet jy taktvol wees en goeie oordeel aan die dag lê sodat jou maat nie uitgesluit voel nie. “

 

PROBEER DIE VOLGENDE: Dink by watter gesellighede jy of jou maat moontlik ongemaklik sal voel. Bespreek voor die tyd wat die beste manier sal wees om te reageer op vriende se vrae en opmerkings oor ’n eerste huwelik.

 

UITDAGING 3: DIT IS VIR JOU MOEILIK OM JOU NUWE MAAT TE VERTROU OMDAT JOU EERSTE MAAT ONTROU OF JOU MISHANDEL HET.

Praat openlik met jou maat oor jou bekommernisse. “Planne misluk waar daar geen vertroulike gesprekke is nie. “egskeiding nooit as ’n maklike uitweg sal gebruik wanneer probleme ontstaan nie”,

As jou maat se vorige huweliksmaat ontrou was, moet jy doelbewuste stappe doen om jou maat se vertroue te wen.

PROBEER DIE VOLGENDE: Stel perke op private kommunikasie met die teenoorgestelde geslag, hetsy van aangesig tot aangesig, oor die telefoon of op die Internet.

Baie tweede huwelike is ’n sukses, en joune kan ook wees. Jy ken jouself waarskynlik nou beter as toe jy die eerste keer getrou het. “

VRA JOU AF . . .

·         Wat is van my maat se unieke eienskappe wat ek baie waardeer?

·         Wat kan ek doen sodat ek my huidige maat kan gerusstel en waardigheid aan hom of haar kan verleen as my eerste huwelik die onderwerp van ’n gesprek word?

 Inspired by Linda vrou wat ek ongelooflik respekteer